Slepjanščina so do ludu wróči
Nowy Casnik15. Dezember 2022
Rěčna krajina w srjedžnej Lužicy rozkčěwa - prěni přewodnik po rěči
Slepo (SN/mb). Za Hynca Rychtarja, ne stora slepjanščiny, běše to jimacy woko- mik: Po pot lětstotku w Lipsku, hdžež bě 42 lět jako wědomostny sobudzělačer Instituta za sorabistiku studowacych wu- wučowal, je so předwčerawšim do swojeje domizny nawróčil, hdzež je wčera wječor prezentaciju přewodnika po rěči „Slěpjaňski rozprajak“ dožiwil. Na sto ludži bě do cyrkwje w Slepom přichwatato, zo by nowotarski knižný wuplód wo starej narěči sobu dožiwiio.
Nastal bě w kooperadji towarstwa „Kólesko“ ze Serbskim institutem (SI). 2.700 slowow na 343 stronach w stawiznach scyia prěni přewodnik wopřija, z kotrymž móžeš sej slepjanščinu přiswojič. Z tym ma wulku wahu, materielnu a wosebje ideelnu. Rěčespytnik Fabian Kaulfiirst ma za móžne, kaž wón SN wobkruči, zo budže z jeje pomocu w při- chodže zaso wjace ludži wšědny džeň we wěstych situadjach slepjanščinu natožowač. Jeho sotra, slawistka Juliana Kaulfürstowa, je knihu hromadže z linguistom Symanom Blumom zdokonjala, kotryž měj eše gramatiski džěl na starosči. Zložowač móžeštaj so mjez druhim na wobšěrny materiál, kotryž běštaj Hartmut Hančo, předsyda „Kóleska“ předewšěm pak Hyne Rychtář, „rěčespytnik z najbohatšej wědu wo slepjanščinje“ kaž Fabian Kaulfiirst w lawdaciji praji, zezběraloj. Wažne žório žiweje serbščiny tu toho regiona běše Hanzo Mrózk (89), džěd Symana Bluma, přez kotrehož bě sej wón slepjanščinu přiswojil. Postrow sakskeho ministerstwa za wědomosč, kulturu a turizm sposrědkowa Caroline Wagner, předsydka kuratorija Serbskeho instituta, kotraž běše při spěchowanju „džesač wědomostnych pakčikow“ na drobro slepjanščiny we wysokosči 260.000 eurow angažowana partnerka. „Slěpjanski rozprajak“ je čisto 9; wo dalšich projektach chcedža zjawnosč 23. januara informowač. Swoju wušiknosč za koncepcionelne džělo a formulowanje spěchowanskich próstwow je direktor SI, prof. Hauke Bartels, pokazal.
Zbožowny je tež něhdyši dolholětny župan župy „Jakub Lorenc-Zalěski“ Manfred Hermaš, kotryž bě Julianu Kaulfürstowu před wjac hač džesač lětami za Slepjansku končinu nawabii, na jara njekonwencionelne wašnje: Wón je na Kaulfürstec swójbu w Budyšinje zazwonil, myslo, zo so tam talent za wožiwjenje slepjan ščiny namaka. A tak je Juliana Kaulfürstowa prěni raz powolansce do Slepoho přišla. Na wčerawši historiski podawk je so wona zaso swoju slepjansku dra stu woblekla a w spěwnej skupinje towar stwa „Kólesko“ pod nawodom Geralda Šejna sobu spěwala, kotraž je swjatočne zarjadowanje kultumje wobmbila. Mjez hosčimi běchu wjesnjanosta Slepoho, Jórg Funda, direktor wyšeje šule Jan Hrjehor, jednačelka Domowiny Judit Šolčina a předsydka braniborskeje serbskeje rady Kathrin Šwjelina. Džakowano wěrje wšitkich akterow, zo knižný projekt wuspěšnje dokónča, a jich skutkej móže rěč legendárného Hanza Njepile nětko zaso rozkčěwač. ► Mój wid